Miguel Ùribe Turbaya biôtkùje ò żëcé w bòlëcë w Bògòce pò tim, jak pòstrzelił gò z blëska piãtnôscelatny knôp.
W sobòtã sódmégò czerwińca w Bògòce na przedwelownym wiecu piãtnôscelatny atakòwnik pòstrzelił kandidata na prezydenta Kòlumbie Miguela Ùribe Turbaya. Czej trzëdzescëdzewiãclatny senatór Ùribe przemôwiôł stojącë westrzód hurmë, knôp pòdeszedł do niegò òd tëłu i z blëskã òddôł strzałë z pistola. Pòlitik òstôł reniony dwa razë w głowã i rôz nogã. Jegò òchróna téż zaczãła strzelac i zreniła atakòwnika w nogã, co pòzwòlëło na jegò chùtczé schwôcenié. Jegò mòtiwë nie są znóné. Ùribe òstôł przewiozłi do bòlëcë, gdze przeszedł pierszą òperacjã na placach pòstrzeleniô, le jegò stojizna dali je cãżkô. Atak òstro pòtãpił kòlumbijsczi rząd i prezydent. Rëgnãła wëdowiédzô, jakô mô sprawdzëc, czë knôp nie dzejôł na zlecenié kògòs jinszégò. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie