Reklama

Kaszëbsczé malënë w jednym bierzą górã

Klëka

25/03/2026 12:50

Òdj. Pomorski Ośrodek Doradztwa Rolniczego w Lubaniu

Ani prizã, ani wielëną na rënkù kaszëbsczi plantatorze nie dobãdą. Mùszi dac cësk na szmakã.

W pòniedzôłk dwadzestégò czwiôrtégò strëmiannika w Chmielnie coroczné zéńdzenié producentów kaszëbsczi malënë „Malënowé Zgrôwë” zòrganizowôł Pòmòrsczi Òstrzódk Rolniczégò Doradztwa w Lubaniu. Òb czas kònferencje direktór òstrzódka w Lubaniu Aleksander Mach przedstawił pòdôwczi tikającé sã zjinaków w wiéchrzëznie ùprôw pòtrôwniców. Kaszëbë wëpôdają tuwò lepi jak całô Pòlskô – przez slédné piãc lat w skalë Pòlsczi je trzëdzescë trzë procent spôdkù, a na Kaszëbach kąsk wëżi jak sétmënôsce. Nôwicy znikają môłi hodowcë, czej ti profesjonalny sã trzimają, a nawet dobiérają pól. Jinszi prelegencë gôdelë ò tim, że kònkùrowanié na rënkù pòlsczim abò eùropejsczim prizama je nimòżebné, wielëną nimùszebné, a nôlepi pòdwëższëwac kwalitã produktu. To prawie òna apartni kaszëbsczé malënë i zagwësniwô jim dobré rozpromòwanié swòjich plantatorów a téż regionu. Same malënë dobrze przedërchałë zëmã, ale czë zbiér bãdze latos dobri, jesz nie je gwësné. Jak co rok nôwikszim wëzwanim bãdą dlô nich majowé mrozë, a priz i przedôj za nie bãdze wiedzec tak richtich dopiérze w czerwińcu, jak zaczną je zbierac.

H.S.Sz.

Załączniki