Sto trzëdzescë bëtników, piãc òbsãdzecelów i skòpicą kaszëbsczich frantówków – tak wëzdrzała latosô edicjô festiwalu.
W piątk dwadzestégò pierszégò strëmiannika w Szkòłowò-Przedszkòłowim Karnie w Lëzënie béł finał Dwadzestégò Trzecégò Pòmòrsczégò Festiwalu Kaszëbsczi Frantówczi „Kaszëbsczé Spiéwë”. Kòl sto trzëdzescë szkòlôków z całëch Kaszub wëstãpiwało z frantówkama tak starszich jak nowszich kómpòzytorów i ùsôdzôczów tekstów. Bëło to dwadzesce karnów i dwadzesce trzech solistów, jaczi dostelë sã do finału na spòdlim zdalnëch eliminacjów. Dobiwców w swòjich kategóriach wëapartniło piãc òbsãdzëcélów pòd przédnictwã Tomôsza Fópczi. Wespółòrganizatorama wëdarzeniô bëlë wójt gminë Lëzëno Jarosłôw Wejer, Spòdlecznô Szkòła miona Lecha Bądkòwsczégò w Lëzënie, a téż môlowy part Kaszëbskò-Pòmòrsczégò Zrzeszeniégò i Gminny Òstrzódk Kùlturë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie