Je to pierszi smiertny wëpôdk w jistniejącëch òd 2005 rokù liniach Jeju Air. Zdżinãlë wszëtcë pasażérowie i wikszosc òbsadë fligra.
W niedzelã 29. gòdnika na latawiszczu w gardze Mùan w Pôłniowi Kòreje fliger Boeing 737-800 liniów Jeju Air, jaczi przëlecôł z Bangkòkù, przez awariã nie wësunął spódkù. Pilotowi nie ùdało sã bezpieczno wëlądowac i fliger rozbił sã ò betonowi mùr, a tej wëbùchł. Zdżinãło 179 lëdzy, w tim wszëtcë pasażérowie, a przeżëło dwùch nôleżników òbsadë, jaczi bëlë w przédny kabinie. Wedle mediów, wësuwóny spódk skazył sã pò zderzenim maszinë z karnã ptôchów, równak akùrôtné przëczënë karastrofë mùszą jesz bëc wëwidnioné. Pò eksplozje cała òfiarów òstałë rozrzuconé na wiôldżi wiéchrzëznie. Służbë zajimającé sã jich szukanim i identifikacją ùsadzëłë na terenie timczasową smiertelnicã. Choi Sang-mok, robiący za prezydenta pò òdwòłanim ùprzédnégò, ògłosył nôrodną żałobã do 4. stëcznika. Je to nôgòrszô katastrofa kòrejańsczich latawnëch liniów òd rozbicô sã w 1997 fligra liniów Koran Air na Gùamie, czej zdżinãło 228 lëdzy, a téż nôgòrszô jakô zdarzëła sã na kòrejańsczi zemi, przewëższającë lëczbã 129 òfiarów w katastrofie Air China w 2002 w Pùsan.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie