Kòl 40 nordowòkòrejańsczich ùrzãdników wzãło ùdzél w pijacczich rozegracjach i dało sã na przesprawë procëm lëdztwù. Pòtkôł jich górz wódcë.
Òb czas zetkaniô nordowòkòrejańsczi Partie Pracë Kòrejë w tim tidzeniu Kim Dzong Un pùbliczno òszkalowôł ùrzãdników, jaczi mielë wzyc ùdzél w grëpòwi pijôtwie. Gôdôł ò nadùżiwanim rządów i nikwienim jednotë midzë partią a lëdztwã. Jinszi nôleżnicë partie téż skritikòwelë grëpòwé picé alkòholu sparłãczoné z przesprôwczim zachòwanim, jaczé sprocëmniło sã partiowi pòlitice bùdacje dyscyplinë. To dosc rzôdczi przëtrôfk pùbliczny reprimendë dlô pòlitików czë ùrzãdników dzejającëch procëm pòlitice partie, z jaczima zwëczajno wëszëznë rozprôwiają sã za zamkłima dwiérzama. Nie je wiedzec, ò jaczich nadùżëcach wedle lëdztwa òkróm pijôtwë dopùscëło sã karno 40 ùrzãdników z krézów Onchon i Usi na zôpadze i nordowim zôpadze kraju. Partiô Kima nawlékała w swòji szkalindze do zdarzeniów zrzeszonëch z rozegracjama pò òdemkniãcym w tëch krézach nowëch fabrików ruchnów i jestkù. Ne inwesticje bëłë partã rządowégò programù mòdernizacje wsów „Pòlitika regionalnégò rozwiju 20×10”.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie