Pò zwrócenim sã wagònów z toksycznym płënã nicht nie òstôł zreniony, ale do lëftu dostało sã wiele toksycznëch substancjów.
W piątk dwadzestégò ósmégò gromicznika przed pôłnim kòl môlëznë Hustopeče nad Bečvou na Mòrawach ze sztrëczi wëpadłë wagònë towarowi banë wiezący benzol. Piãtnôsce wagònów sã zapôlëło, a w kòżdim bëło pò szescdzesąt tón mòckò toksycznégò benzolu. Banowim w lokòmòtiwie ùdało sã òdczepic jã òd nédżi składu przed wëwrócenim sã wagònów, dzãka czemù bezpieczno dojachelë do stacje w Hustopečach, pół kilométra òd môla, w jaczim wëbùchł òdżin. Czesczi ògniarze ze wspiarcym półków ze Słowacczi zajimają sã dogasziwanim ògnia, a do niedzelë wieczór pòdérëje wëpómpòwiwanié néżków benzolu wëlónégò na zemiã. W òkòlim doszło do stolëmnégò zadimieniô i skażeniô lëftu. Z pòzdrzatkù na skalã zdarzeniô ògłoszony òstôł apartny stãpiéń pòszëkù służbów. Sztrëka òstónie wëłączonô z ùżiwkù na czile tidzeniów. Stratë dochôdają do sto dwadzesce piãc miliónów czesczich kòrunów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie