Trzë dłużawë pòzwòlą ùczãstników zwiedzëc snôżé môle pôłniowëch Kaszub i Pòmòrzégò, a przë tim pòmòc fùndacje pòmôgający młodzëznie.
Charitatiwné kòłowé miónczi Tour de Romgaz zwëskałë nowégò dobrzińcã i w związkù z tim ògłôszają òbniżenié wpisowégò. Je òno różné w zanôleżnoscë òd òbrany dłużawë trasë, ale dzewiãcdzesąt złotëch z kòżdégò zgłoszeniô pùdze na wspiarcé fùndacje Wise Future University zajimający sã psychicznym zdrowim młodzëznë. W czasu miónków bãdą téż do zbiéraniô sztãple, a kòżdi zebróny to dodôwkòwé piãc złotëch dlô fùndacje. Do wëbraniô są trasë pò sztërdzescë, sto i dwasta kilométrów. Wszëtczé zaczinają sã w Môłëch Swòrnëchgacach. Nôkrótszô trasa prowadzy wkòl Charzëkòwsczégò Jezora, ta strzédnô cygnie sã na nordowi zôpôd za Miastkò jaż pò Kòłtczi w zôpadnopòmòrsczim wòjewództwie, a nôdłëgszô òd Kònarzënów robi pãtla przez Człëchòwò, Debrzno, Òkónk, Szczecynk, Biôłi Bór i Kòczałã. Miónczi bãdą dwadzestégò czwiôrtégò maja. Drobnotë i prizë za zapisë do nalézeniô na internetowi starnie Tour de Romgaz i starnach do zapisów. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie