Reklama
Kòlumbiô likwidëje swòjã pòpùlacjã hipòpòtamów
16/04/2026 11:05
Sztërë nilowé hipòpòtamë ùcekłë z hacjendë Pablo Escobara bùkòwac sã nad rzéką. Wëszła z tegò geneticzno chòrô i niebezpiecznô pòpùlacjô.
Ministra strzodowiszcza Kòlumbie Irene Vélez przekôzała, że rząd chce przëjic plan kòntrolë swòji pòpùlacje dzëwëch hipòpòtamów. Te żëją w westrzédnym parce kraju nad rzéką Magdalena. Sprôwiają zagrôżbã dlô mieszkańców i jinëch gatënków zwierzãt. Je jich kòl sto sétmëdzesąt, a jeżlë nic z nima nie mdze zrobioné, wedle ekòlogów do dwa tësące trzëdzestégò rokù mòże bëc jich nawet piãcset. Dotądka bëłë próbë jich wërzezbòrzeniô, le nie dało to brzadu. Przédnô ùdba rządu to terô jich wëbicé. Są prowadzoné rozmòwë z òsmë jinszima krajama, żebë part pòpùlacje przekazac do tamecznëch zwierzińców i rezerwatów, ale te nie są zainteresowóné. W pòpùlacje troji sã òd geneticznëch felów, bò òna pòchôdô òd blós sztërzech òsóbników z priwatnégò zwierzińca Pablo Escobara w Hacienda Napòles. Tam słôwny narkòbarón trzimôł kòl dwasta zwierzãt rozmajitëch gatënków. Pò smiercë przesprôwcë w tësąc dzewiãcset dzewiãcdzesątim trzecym rokù jegò miectwa przejął rząd Kòlumbie, a zwierzãta pòwëséłôł do zwierzińców, ale sztërë hipòpòtamë bëłë za baro niebezpieczné, żebë je przewiezc. Niepilowóné przeszłë do nôtërnégò strzodowiszcza i rozwielëłë sã midzë sobą. Plan likwidacje pòpùlacje mô zaczic wchadac w żëcé z drëgą pòłową tegò rokù.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Komentarze
-
Reklama
-
2026-04-16 11:38:49To òne bãdą płakac chëba
odpowiedz -
2026-04-17 09:40:25
Mie téż je jich żôl, ale wierã są zagrôżbą dlô môlowi faùnë i florë.
Reklama
Wideo
Reklama
Najnowsze wiadomości
- 19/04 Słowò na niedzelã (19.04.26)
- 17/04 Papiesczé Sympòzjum w Słëpskù
- 17/04 Dwanôscelôtkòwie na dosmiertną sôdzã
- 17/04 Fliger na rondze przed latawiszczã
- 16/04 NAJU ZWËCZI - wiérztka
- 16/04 PÒ ZASZLUBINACH - 20. lata XX w. na Kaszëbach
- 16/04 Baną z Pòrtugalie do Lapònie
- 16/04 Òdżin w dwùch krómach w Czerskù
- 16/04 Kòlumbiô likwidëje swòjã pòpùlacjã hipòpòtamów
- 16/04 Skònfiskòwelë Nieswiãté Pismiono
- 16/04 Sztrid papieża z amerikańsczim prezydentã
- 14/04 Òbgôdelë zjôzd we Gdinie
- 14/04 Trzëdzescë zabitëch pòd festungã na Hajiti
- 12/04 Fliger amerikańsczi armie zaatakòwóny
- 12/04 Przedôł mefedrón dzeckù
- 12/04 Ùkrôdł taszã z carsczim jajã
- 12/04 Wësprzątelë Charzëkòwsczé Jezoro
- 12/04 Słowò na niedzelã (12.04.26)
- 11/04 JESZ NIE PRZËSZED NEN CZAS - frańtówka do filmù "Testament"
- 11/04 *** - wiérztka
To òne bãdą płakac chëba
Mie téż je jich żôl, ale wierã są zagrôżbą dlô môlowi faùnë i florë.