Reklama
Skònfiskòwelë Nieswiãté Pismiono
16/04/2026 11:02
Chłop chcôł ùcekac szandaróm pò tim, jak ùderził w jeden aùtół we Wejrowie. Zarô sã doznelë, co miôł do ùkrëcô.
W pòniedzôłk trzënôstégò łżëkwiata wejrowskô pòlicjô dała do wiadë ò zdarzenim z czwiôrtkù. Tedë jeden chłop, co czerowôł Škòdą, copającë ùderził w aùtół Alfa Romeò na szasëje Grańczny we Wejrowie i òdjachôł. Szandarzë z drogòwégò wëdzélu chùtkò za nim rëszëlë. Sprôwca ùcékôł wejrowsczima sztrasama, przë tim sprôwiającë ùszkòdë w swòjim wòzu. Jak szandarzë gò dostelë, zarô zrobilë mù testë na trzézwòsc. Wedle nich dwadzescedzewiãclatny chłop miôł w òrganizmie përznã alkòholu, a mógł téż bëc pòd cëskã nielegalnëch substancjów. Czej przeszukelë jegò aùtół, trafilë na cos, co wëzdrzało za tomiszczã Biblëje pò anielskù. Béł to równak schówk na klucz, a bënë niegò òsmëdzesąt gramów mefedronu, kòl sétmë gramów kòkajinë i kąsk marihuanë. Zabrelë gò do aresztu. Òdpòwié za kòlizjã, niezatrzimanié sã do kòntrolë, jinszé drogòwé wëkroczenia òb czas góńbë za nim, a w kùńcu za miecé narkòtików.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 19/04 Słowò na niedzelã (19.04.26)
- 17/04 Papiesczé Sympòzjum w Słëpskù
- 17/04 Dwanôscelôtkòwie na dosmiertną sôdzã
- 17/04 Fliger na rondze przed latawiszczã
- 16/04 NAJU ZWËCZI - wiérztka
- 16/04 PÒ ZASZLUBINACH - 20. lata XX w. na Kaszëbach
- 16/04 Baną z Pòrtugalie do Lapònie
- 16/04 Òdżin w dwùch krómach w Czerskù
- 16/04 Kòlumbiô likwidëje swòjã pòpùlacjã hipòpòtamów
- 16/04 Skònfiskòwelë Nieswiãté Pismiono
- 16/04 Sztrid papieża z amerikańsczim prezydentã
- 14/04 Òbgôdelë zjôzd we Gdinie
- 14/04 Trzëdzescë zabitëch pòd festungã na Hajiti
- 12/04 Fliger amerikańsczi armie zaatakòwóny
- 12/04 Przedôł mefedrón dzeckù
- 12/04 Ùkrôdł taszã z carsczim jajã
- 12/04 Wësprzątelë Charzëkòwsczé Jezoro
- 12/04 Słowò na niedzelã (12.04.26)
- 11/04 JESZ NIE PRZËSZED NEN CZAS - frańtówka do filmù "Testament"
- 11/04 *** - wiérztka
Komentarze