Ternô sëma to je dwa razë wicy, jak Waszingtón wëznacził za ùchwacenié Òsamë bin Ladena pò atakù na World Trade Center.
We czwiôrtk sódmégò zélnika Zjednóné Stanë zdëbeltniłë nôdgrodã wëznaczoną za infòrmacje mającë doprowadzëc do aresztowaniô prezydenta Wenezuelë Nicolasa Maduro. Terô za taczé wiadło Waszingtón chce dac piãcdzesąt miliónów dolarów, co je równoznaczëną sto òsmëdzesąt dwùch miliónów złotëch. Zjednóné Stanë nie ùznôwają dobëcô Maduro w dwùch slédnëch welacjach. Wedle nich Maduro je przédnikã narkòtikòwégò Kartelu Słuńców, jaczi prowadzy terrorizm przez zaléwanié amerikańsczégò rënkù kòkajiną. Amerikańskô Agencjô do Biôtczi z Narkòtikama pòdôwô, że mô skònfiskòwóné ju trzëdzescë tón kòkajinë rzeszony z òkrãżim Maduro, a sétmë tón związónëch direktno z nim. Pierszô nôdgroda za wiadło ò wenezuelsczim prezydence bëła wëznaczonô za pierszi kadencje Donalda Trumpa w dwa tësące dwadzestim rokù. Bëło to tedë piãtnôsce miliónów dolarów. Media pòdczorchiwają, że tak pò prôwdze Stanë ni mają jak aresztowac Madurë, czej òn je w Wenezuelë, ale wëznaczenié nôdgrodë strzëmiwô jegò mòżebnoscë midzënôrodnëch òdwiôdënów i wëwiérô na niegò wikszi cësk.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie