Drzewa wëcãté w gòdnikù bëłë prakticzno miartwé i mùszałë bëc wëcãté, żebë nie zagrôżałë mieszkańcóm. Równak jakòsc gruntu kòl Placu Miru mòże sprawic, że Lãbórg stracy jesz wicy zelenie.
Òb gòdnik w Lãbòrgù wëcãlë 42 drzewa. Wiele z nich òbùmiérało i sprôwiało niebezpiek dlô mieszkańców. Strzód roscënów òbjãtëch decyzją pòdpisóną przez Miesczi Ùrząd w Lãbòrgù bëłë jedlëna i lëpa na skwerze kòl Placu Miru. Przed jich wëcãcym na pniach bëłë kôrtczi z infòrmacją, że na jich placu bãdą pòsadzoné nowé drzewa. Nie je równak gwës, jak kùńc kùńców skwer bãdze wëzdrzôł. Wedle czerownika Referatu ds. Ùchòwaniô Zeleni Miesczégò Ùrzãdu w Lãbòrgù Leszka Warsczégò na òbéńdze skweru je baro lëchi gruńt, bò w zemi są fùńdameńtë, przedwòjnowé sklepë. Tam je 40 cm zemi, a niżi je cegła. Wedle niegò za dzesãc lat całi skwer òbùmrze. Żelë ta przepòwiedniô sã spełni, felënk drzéw kòl lãbòrsczégò rënkù mòckò òdmieni wëzdrzatk jednégò z reprezentacjowëch placów gardu. Slédnô mòdernizacjô skweru bëła w 2022 rokù. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie