Reklama

Kùńc bùdacje kąpielëszcza nad Klôsztornym Wiôldżim

Klëka

15/12/2025 19:43

Òdj. z facebookòwi starnë Kartuzy Stolica Kaszub

Samòrząd widzy w inwesticje szansã na pòwrót do przedwòjnowëch tradicjôw i scygnienié do Kartuz wicy letników.

W Kartuzach skùńczëlë bùdowac nowé miesczé kąpielëszcze nad Klôsztornym Wiôldżim Jezorã. Ju òb lato przińdłégò roku bãdze szło tam ùżëwac promenadë na wòdze, płiwającëch pòmòstów, slipù dlô czôłnów, widokòwégò tarasu a téż òbiektów gastronomicznëch i sanitarnëch. Wedle bùrméstra Kartuz Grégòra Gòłuńsczégò je to szansa na òdrodã kùrortowëch tradicjów gardu, tak jak przed wòjną. Rechùje nié blós na zadowòlenié mieszkańców, jaczi na kąpielëszcze żdelë wiele lat, ale téż na to, że chãtno przëjeżdżac na nie bãdą téż letnicë. Inwesticjô kòształa przez dwanôsce miliónów złotëch, z czegò òsmë bëło ùdëtkòwioné z Pòlsczégò Ładu. Bùdacjô wszëtczich nowëch òbiektów nad jezorã dérowała trzë lata – prawie zakùńczony etap dofùlowôł pierszi part projektu z dwa tësące dwadzestégò trzecégò.

H.S.Sz.