Reklama
Kùńc górnictwa wãgla w Czesczi
05/02/2026 11:04
Ju nigdë niżóden wagònik wãgla nie wëjedze ze slédnégò czesczégò czerpiszcza. Zrzeszony z górniczim òkrãżim są zgòdą, że to je kùńc epòczi.
W Stonawie w czesczim dzélu Ceszińsczégò Szląska we strzodã czwiôrtégò gromicznika skùńczëło sã czerpanié kamiannégò wãgla. Setczi lëdzy pòzeszło sã na ùroczëznã wëjazdu slédnégò wagònika z tamecznégò Czerpiszcza Czechòsłowacczi Młodzëznë. Wëdarzenié bëło transmitowóné na ekranach ùstawionëch przed terenã zakładu. Tim samim skùńczëło sã górnictwò nié blós w Òstrawskò-Karwińsczim Zagłãbim, gdze ta tradicjô dérowała òd dwasta piãcdzesąt lat, ale téż w całi Czesczi Repùblice. Na ùroczëznie òdtwòrzëlë przemówienié przërëchtowóné przez prezydenta Petra Pavla. Ten dzãkòwôł górnikóm za jich drãgą robòtã i pòdczorchnął, że spôdkòwizna górnictwa bãdze wcyg bëtnô w charakterach i wôrtnoscach lëdzy w regionie. Róman Sykòra, przédnik pòdjimiznë Òstrawskò-Karwińsczé Czerpiszcza, slédny, co w Czesce kòpała kamianny wãdżel, gôdôł na placu ò tim, że jakno swiôdk kùńca epòczi czëje smùtk i nostalgiã, ale téż bùchã, że mógł bëc do kùńca ze slédnyma przedstôwcama dżinącégò warkù. Przedstôwcë Òstrawskò-Karwińsczich Czerpiszczów założëlë swòje szlajfë na stanicë górniczich stowôrôw z Czesczi, Słowacczi i Pòlsczi. Tegò samégò dnia pò pôłnim szasëjama Òstrawë przeszła pòchada górników do Katédrë Bòsczégò Zbawicela, gdze wzãlë ùdzél we mszë za wszëtczé òfiarë górniczich katastrofów. Na wdôr w katédrze mô téż stanąc replika slédnégò wagònika.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Komentarze
-
Reklama
-
2026-02-05 19:32:26smùtné, chòc chëba tak mùszi bëc
odpowiedz -
2026-02-08 10:46:15
Òd lat to jidze w tã stronã.
Reklama
Wideo
Reklama
Najnowsze wiadomości
- 17/03 Główczëce szukają métlu na wandalów
- 17/03 Chce Narwa òdapartnic sã òd Estońsczi?
- 16/03 Zawiészka na lëché òczë
- 16/03 Lës przepłënął Atlantik
- 15/03 Słowò na niedzelã (15.03.26)
- 14/03 Òkredlë smãtôrz w Niestãpòwie
- 14/03 Etnicznô jednota nade wszëtkò
- 14/03 Król Szwédzczi we Gduńskù
- 14/03 Dolëzna Smiercë òkwiatowónô
- 12/03 Płëwnica Nimfa do zamkniãcô?
- 12/03 Granat pòd skórą ùmarłégò pòjmańczika
- 12/03 Są trapë, ni ma przeńscô do nich
- 12/03 Rozdanié Ig Noblów pierszi rôz w Eùropie
- 10/03 Òdnëkôł agresywnégò amstaffa
- 10/03 Ùkrajina pòmòże biôtkòwac z Szahedama
- 09/03 Banë na centralné banowiszcze w Glasgow strzimóné
- 09/03 Pelplińskô diecezjô ni mô na naprawã dakù
- 09/03 Ruskô wëcopiwô sã z werbùnkù w czile afrikańsczich krajach
- 08/03 Słowò na niedzelã (8.03.26)
- 07/03 Trzë sostrë i òjc prowadzëłë ruchnowi gang
smùtné, chòc chëba tak mùszi bëc
Òd lat to jidze w tã stronã.