Reklama

Kùńc kartonowëch bilietów w Chùtczi Gardowi Banie

Klëka

20/11/2025 08:12

Print screen ze starnë https://www.skm.pkp.pl/

Marszôłkòwsczi Ùrząd przékùje òbwinóm ò próbë przëznaniô mònopòlu elektronicznym métlóm kùpiwaniô bilietów.

Chùtkô Gardowô Bana w Trzëgardze ògłosëła, że òd nowégò rokù nie bãdze ju przedôwała jednorazowëch kartonowëch bilietów do kasowników. Ten ôrt bilietu stôwô sã corôz mni pòpùlarny, a łoni le dzesãc procent przedôwónëch bilietów wëstãpòwôł w ti fòrmie. Czãscy lëdze kùpiwają dzysdnia bilietë chòc przez mòbilné aplikacje, tak tej na rëmniãcé jedny fòrmë bilietów bana mòże sobie pòzwòlëc, co wedle przewòznika mô téż miec znaczenié dlô ekòlogie, bò pòzwòli na zmniészenié wielënë smiecy. To wiadło sprawiło sprocëmnienié ù partu kòmentëjącëch, jaczi gôdelë ò diskriminacje starszich lëdzy, co są nôłożny papiorowëch bilietów, a téż ò próbach daniô mònopòlu kòntrowersjowi systémie Fala. Marszôłkòwsczi Ùrząd Pòmòrsczi Wòjewództwa przekôzôł, że to nie je prôwda, bò bilietë dali bãdze szło kùpiwac na czile ôrtów. Òkróm elektronicznëch fòrmów w ùżiwkù dali bãdą bilietë bez kasowaniô z aùtomatów abò ne wëdôwóné w banach z przódkù przedzélu, a dlô starszich lëdzy òb czas sprôwdzaniô bilietów przez banszandarów i bez dodôwkòwëch òpłatów. Ti, co mają ju kartonowé bilietë kùpioné, bãdą mòglë je brëkòwac do pòłowë gòdnika przińdnégò rokù.

H.S.Sz.