Òd rujana weńdze w żëcé zjinaka, jakô zletczi żëcé midzë jinszima robòtnikóm przëjeżdżiwającym na Gibraltar z bùtna.
We strzodã jednôstégò czerwińca Wiôlgô Britaniô pòdpisała ùgôdënk z Eùropejską Ùnią w sprawie grańcznëch kòntrolów na grańcë ze Szpańską na Gibraltarze. Stało sã to na zetkanim ministrów bùtnowëch sprôw Szpańsczi i Wiôldżi Britanie z ùnijnym kòmisarzã do sprôw hańdlu Marošã Šefčovičã. Òbgôdczi ti témë bëłë prowadzoné ze zmòcnioną żorgą òd òpùszczeniô Ùnie przez Wiôlgą Britaniã sztërë lata dowsladë, czej ùrósł lãk ò suwerennosc Gibraltaru jakno zamòrsczégò teritorium Zjednónégò Królestwa i kawel tamecznégò rënkù robòtë, jaczi we wiôldżim stãpniu zaprzigôł robòtników zeza grańcë. Wedle ùgôdënkù òd rujana tegò rokù mają zniknąc kòntrole na lądze, a te na gibraltarsczich latawiszczach i w pòrtach mają prowadzëc szpańsczi szandarzë. Ursula von der Leyen pòwinszowała kòmisarzowi Šefčovičowi diplomaticzny zwënédżi. Premiéra Szpańsczi Pedro Sanchez dôł za to do wiadë, że chòc zjinaka je zwëskòwnô dlô òbëwatelów i stosënków z Wiôlgą Britanią, nie òznôczô òna, że Szpańskô rezygnëje ze swòjich prôw do Gibraltaru, jaczé Zjednóné Królestwò wedle szpańsczi starnë bez richtoscë sobie przëznôwô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie