Reklama

Kùńc òpòzycje w Hongkòngù

Klëka

16/12/2025 10:37

Òdj. Mustang Joe - https://www.flickr.com/photos/mustangjoe/54148420380/; zdrzódło: https://pl.wikipedia.org/wiki/Hongkong#/media/Plik:Hong_Kong_from_Victoria_Peak1.jpg

Demòkraticznô Partio dzejała w chińsczim półaùtonomicznym gardze przeszło trzë dekadë. Na ji rozrzeszenié nacyskôł Pekin.

W Hongkòngù na zetkanim Demòkraticzny Partie w niedzelã sztërnôstégò gòdnika nôleżnicë zawelowelë za rozrzeszenim partie. Na sto dwadzesce jeden głosów sto sétmënôsce bëło za, a sztërë òsobë sã strzimałë. Takno dzejanié skùńczëła slédnô òpòzycjowô partiô w Hongkòngù. Pòwstała w tësąc dzewiãcset dzewiãcdzesątim czwiôrtim rokù, tak tej jesz trzë lata niglë administracjô w gardze òstała przejãtô z britijsczich rãk przez Chinë. Doktrina „jeden krôj, dwa systemë” dopùszczała przez lata barżi demòkraticzny i kapitalisticzny ùstôw w Hongkòngù jakno parce Chin, ale aùtotitarny cësk Pekinu dërch pòmalë sã zacësniwôł. Przédnik Demòkraticzny Partie Lo Kin-hei przëznôł, że decyzjô ò rozrzeszenim téż bëła pòcygniãtô przez ten cësk. W slédnym czasu wëszëznë na to nalinałë i grozëłë nôleżnikóm partie drãdżima kònsekwencjama, jeżlë nie dadzą sã na wëstąpienié z ni – w tim aresztowanié.

H.S.Sz.