Rebeliancë òd dwanôsce dni prowadzący w nordowò-zôpadny Syrie pòwstanié procëm al-Asadowi ògłosëlë ùpôdk jegò rządów i dobëcé stolëcë. Rusczé media pòdôwają, że diktatór ùcekł do Mòskwë.
Rebeliô prowadzonô w przédny rédze przez òpòzycjową islamską òrganizacjã Hajat Tahrir asz-Szam pòd przédnictwã Abu Muhammada al-Dżaùlaniégò dérëje òd kùńca smùtana. Pòkroczi pòwstańców w kùńcu doprowadzëłë do dobëcô – w nocë z sobòtë na niedzelã (7-8 gòdnika) prezydent Syrie Baszszar al-Asad zwiornął fligrã z Damaszkù, stolëcë kraju, a w niedzelã reno wódcë Hajat Tahrir asz-Szam ògłosëlë dobëcé. Jak pòdelë, wszëtcë sôdzewi w stolëcë òstelë wëpùszczony, a jich sëłë bãdą dali dzejałë w dëchù rewòlucjowëch pòrëchów tpzw. „arabsczégò zymkù” z 2011.
Baszszar al-Asad béł prezydentã Syrie òd 2000 rokù jakno nastãpnik swòjégò òjca Hafiza al-Asada, chtëren rządzył aùtoritarno w latach 1971-2000.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie