Dotądka firma Petera Wooda wëséłała nôribk do Rusje. Nie dostała równak zezwòleniô na przedłużenié dzejaniô na pòstãpny rok.
W dwa tësące dzesątim rokù Eùropejskô Ùniô zakôzała hańdlu eùropejsczim wãgòrzã bùten swòjich bëtniczich państwów. Pò wińdzenim Wiôldżi Britanie z Ùnie, òdemkłë sã dlô ni rënczi jinëch państwów. Ekspòrt młodëch ribków, zwónëch sklënianyma wãgòrzama, dali prowadzëła ju blós jedna firma, UK Glass Eels, jaczi miéwcą je chòwôcz wãgòrzów Peter Wood. Ta dali wëséłała przezmiarã wãgòrzów z ùscégò rzéczi Severn na grańcë Anielsczi ë Walie do królewiecczégò òbwòdu. Bëło to mòżebné za zgòdą britijsczégò rządu na spòdlim tegò, że w tim parce Rusczi eùropejsczi wãgórz wëstãpiwô nôtërno, a jegò ekspòrt mòże wëzwëskac do znównégò zaribianiô jezór i rzék. Terô równak Departament Strzodowiszcza, Jôdë i Wiesczich Sprôw nie wëdôł zezwòleniô na ekspòrt sklënianëch wãgòrzów na pòstãpny rok, co je zrzeszoné z pòlësziwającyma sã relacjama midzë Wiôlgą Britanią a Ruską, a téż lãkã ò dalszé szmùglowanié wãgòrzów na wschód. Peter Wood je dbë, że ta decyzjô nié blós ni mô ùdokaznieniô dlô bezpiekù strzodowiszcza, ale zagrôżô téż jegò dzejający ju òd piãcdzesąt lat firmie i wszëtczim lëdzóm, co w nim robią.
Twoje zdanie jest ważne jednak nie może ranić innych osób lub grup.
Komentarze opinie