Izraelsczi rząd gôdô ò swòji starze ò pòjmańczików. Jich rodzëznë widzą sprawã czësto procëmno.
Zawieszenié barnie midzë Izraelã a Hamasã, chtërno bëło w mòcë òd dzewiãtnôstégò stëcznika, òprzestało fùnksnérowac. Rządowi kòmùnikat Izraela tłómaczi, że znowioné przez izraelsczé wòjskò ataczi są wëmierzoné w cywilné i wòjskòwé wëszëznë Hamasu. W òdpòwiescë na òdmòwë ùwòlnieniô pòjmańczików przez Hamas, Izrael zapòwiôdô zwielnienié militarny sëłë sczerowóny procëm wrogòwi. Izrael Hac, Minister Òbarnë Izraela, pòwiedzôł: „Nie przerwiemë biôtczi, pòkąd wszëtcë pòjmańczicë nie wrócą dodóm, a wszëtczé wòjnowé céle nie mdą dobëté”. We wtórk òsmënôstégò strëmiannika Izrael rëgnął z atakama z mòrza i lëftu. Dzéń pózdni do Palestinë weszłë lądowé wòjska. Wedle môlowëch mediów w Conie Gazë òd wtórkù przez izraelsczé ataczi zdżinãło ju wnetka szescset òsób. Decyzjô rządu premiéra Netanjahu je kritikòwónô przez zdrëszënë rodzëznów pòjmańczików. Wedle nich, rząd w miono wòjnowëch ambicjów pòswiãcywô żëcé jich blëżnëch. We strzodã w Jerozolëmie bëło téż czile protestów pòd rządowima bùdinkama i dodomã premiérë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie