Reklama

Kònferencjô ò gdińsczim mòdernizmie

Klëka

19/09/2025 09:49

Dérëją òbradë, jaczé wedle òrganizatorów mają dopòmòc w starze ò wpisanié gdińsczégò mòdernisticznégò karna na lëstã swiatowi spôdkòwiznë, a téż szérzwic wiadã ò Gdinie w swiece.

Przez trzë dni, òd czwiôrtkù òsmënôstégò do sobòtë dwadzestégò séwnika dérowac bãdze dzesątô edicjô midzënôrodny nôùkòwi kònferencje „Mòdernizm w Eùropie – Mòdernizm w Gdinie. Òchróna i kònserwacjô zabëtkòwëch mòdernisticznëch karnów”. Ji òrganizatorã je miasto Gdiniô, a wespółòrganizatorama Wëdzél Architekturë Gduńsczi Pòlitechniczi ë Nôrodny Institut Spôdkòwiznë. Wëdarzenié gòscy Pòmòrsczi Nôùkòwò-Technologiczny Park przë Aleje Dobëcégò w Gdinie. Latosô kònferencjô mô sã tëkac zajmë zarządzaniô zabëtkòwima dokazama mòderniznë w architekturze i jich kònserwacje a òchrónë. Przërôczony są znajarze nié le z kraju, le téż midzë jinszima z Brasilie, Tel Awiwù, Kòwna, Berlëna i Londinu. Célã je pòpùlarizacjô wiédzë ò gdińsczi mòderniznie, a téż przediskùtérowanié ùdbë wpisaniô gdińsczégò Strzódgardu na lëstã swiatowi spôdkòwiznë UNESCO.

H.S.Sz.

Załączniki