Szandarzë weszlë do kradélca dodóm przez balkón, gdze nalezlë sprôwcã z ùkradłima zachama.
W niedzelã dwadzestégò sódmégò lëpińca w Miechùcenie dwòje turistów gôdało ze sztërdzescë sétmë lat stôrim mieszkańcã wsë. Czej òdeszlë na sztót i delë mù pòpilowac swòjich zachów, ten wzął so jich mòbilkã, nóż i wãdkarsczi sprzãt ò parłãczny wôrtnoce kòl szesc tësący sztërësta złotëch i zwiornął. Pò wrócenim na plac turiscë zgłosëlë kradzéż na pòlicjã. Szandarzë z pòsterunkù w Chmielnie òdebrelë zgłoszenié. Wëkrëlë lokalizacjã ùkradłi mòbilczi a tak chùtkò sã doznelë, co kradélc prosto wrócył dodóm. Szandarzë gò òdwiedzëlë, le òn nie chcôł jich wpùscëc. Zmerkelë równak, że na balkònie je òdemkłé òkno. Załatwilë drôbkã i weszlë pò ni na balkón, a tej bënë chëczë. Zastelë tam kradélca i ùkradłi towôr, chtëren wrócył do miéwców. Sztërdzescësétmëlatk òstôł zabróny do aresztu, a grozy mù do piãc lat sôdzë.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie