Reklama
Ùkrajina dobëła nad wòjskama NATO
19/03/2026 23:31
Na łońsczich cwiczënkach Ùkrajińcë dokôzelë, że wiele lepi radzą so z dronama jak żôłnérze nordowòatlanticczi zdrëszënë.
Niemiecczi gazétnicë zrëchtowelë repòrtôż z wòjskòwëch cwiczënków Nordowòatlanticczi Zdrëszënë z Ùkrajiną z séwnika łońsczégò rokù. Na cwiczënkach REPMUS/Dynamic Messenger ù pòrtugalsczégò sztrądu ùczãstnicë bëlë pòdzelony na karno mòdré, w jaczim bëłë sëłë Zdrëszënë, a téż czerwioné, gdze pòd ùkrajińsczim wództwã bëłë jednostczi amerikańsczé, britijsczé ë szpańsczé. Rozegrelë piãc scenarników òkòma òbarnë pòrtów i kònwòjów. Ùkrajińcë dobëlë we wszëtczich. W przédny rédze zadecydowało ò tim wëzwëskanié mòrsczich dronów Magùra V7. W jednym ze scenarników rôz czerwiony mielë atakòwac kònwój i ùdało jim sã trafic w fregatã mòdrëch tëli razy, że w jawerny biôtce bë jã zatopilë. Ùkrajińcë relacjonowelë, że jich cwiczënkòwi procëmnicë nawet nie bëlë w sztãdze wëkrëc czerowóny procëm nima barnie. To ju drëdżé cwiczënczi, na jaczich Ùkrajina dokôzała, że bierze nad Nordowòatlanticką Zdrëszëną górã, jeżlë jidze ò takticzné wëzwëskanié dronów. Szlachòwny wënik dało łoni na rozegrach w Estońsce.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 04/05 Humbak wëpùszczony do Nordowégò Mòrza
- 03/05 Słowò na niedzelã (3.05.26)
- 02/05 JASTARNIÔ PRZÓDË LAT - fòtorepòrtaż
- 02/05 Pierszi Maja w Norwesczi
- 02/05 Pół milióna na pòmòrsczé parczi
- 02/05 Òdżin na niderlandzczich wòjskòwëch terenach
- 02/05 Co z zómkã w Łapalëcach?
- 02/05 Banksy pòszedł w trzë wëmiarë
- 02/05 Pelplińsczé mùzeùm zmieniwô pòzwã
- 30/04 Co? Dze? Czedë? [1-3.05]
- 29/04 Zbiórka na wdôr pò znónym pòsélcu
- 29/04 Strzélôł w zôkładze ùbezpieków i sądze
- 28/04 Marszôłk procëm chòwie kwëkù w Dãbnicë
- 28/04 Mniszë szmùglowelë marihuanã
- 28/04 Wisłëùscé bãdze cekawszé dlô zwiédzającëch
- 28/04 Płoną lasë w Japóńsce
- 27/04 NË Ë CËŻ - wiérztka banalnô - egzystencjonalnô
- 27/04 KLËKA - drzewiany SMS
- 27/04 Ewakùòwelë Trumpa z balu
- 27/04 Nalezlë òpôł òd kòpôrczi w lasowëch kùlach
Komentarze