Przedstôwca ùkrajińsczi wòjskòwi wëdowiédzë òbwinił Rusjã ò planë zòrganizowónégò lëdobicégò na Ùkrajinie pò zagarniãcym ji zemiów.
Na zrëchtowónym 22. smùtana fòrum „Lëdobijné prakticzi Rusczi Federacje na Ùkrajinie: òd Hołodomòru do ruskò-ùkrajińsczi wòjnë” szef wòjskòwi wëdowiédzë Ùkrajinë Kiriło Bùdanow scwierdzył, że na długò przed zaczãcym najachùnkù na Ùkrajinã w 2022 rokù rusczé wëszëznë miałë przërëchtowóné lëstë lëdzy namienionëch do zabicô pò zajimniãcym Ùkrajinë. Bëlë na nich przedstôwcowie inteligencje, dlôte Bùdanow przërównywôł prakticzi Rusji do lëdobijnëch praktików prowadzonëch przez Sowiecką Zrzesz òb czas Wiôldżégò Głodu na Ùkrajinie w latach 1932-1933 abò w cządze II swiatowi wòjnë.
„Na egzekùcjowëch lestach mielë bëc ùjãti szkólny ùkrajińsczégò jãzëka, lëteraturë i historie, weteranowie antiterroristiczny òperacje, gazétnicë, ùczałi, pisarze, kapłanowie Prawòsławny Cerkwie Ùkrajinë i jinëch denominacjów bãdącëch za Ùkrajiną, pùbliczné persónë, pòliticë a téż szefòwie państwòwëch i samòrządowëch òrganów” – wëmieniwô generôł Kiriło Bùdanow.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie