Reklama

Ùkrôdł czaszkã swiãti Zdzysławë

Klëka

13/05/2026 17:29

Sw. Zdzysława. Aùtór: Cicero Moraes; zdrzódło: https://pl.wikipedia.org/wiki/Zdzis%C5%82awa_Czeska#/media/Plik:St._Zdislava_of_Lemberk_-_forensic_facial_reconstruction.jpg

Do kradélstwa doszło na zôczątkù mszë. Bazylika òstała zamkłô dlô zebraniô szlachów.

We wtórk dwanôstégò maja wieczór w Jabłonnym w liberecczim kraju w Czesce zaczinała sã mszô w tameczny bazylice. Do jednégò z bòcznëch wôłtarzów pòdeszedł równak jeden człowiek, jaczi rozbił sklëniany relikwiôrz i ùkrôdł z niegò jeden z nôwikszich skarbów w gardze – czaszkã swiãti Zdzysławë, szlachcónczi, frãcëszkańsczi tercjarczi, bùdowniczczi klôsztorów i bòlëców. Tak wiôlgô relikwiô swiãti z trzënôstégò stalata zwëczajno bëła trzimónô pòd alarmã, ale na czas litugie gò wëłączają. Do kradélstwa doszło, czedë ksądz béł kòl wôłtarza. Kradélc zwiornął z czaszką w rãkù i ùchwôcëłë gò kamérë w swiãtnicë. Òbrôz je równak niewërazny. Dominikańsczi dzekón Pavel Maria Meyer, òpiekùn grobù swiãti Zdzësławë, przekôzôł, że mô na dbie jednã persónã, jakô mògłabë to zrobic, ale nie chce szkòdzëc ny òsobie. Pòlicjô ùprzëstãpniła ùjãcé z kamérë i prosëła ò wiadã, czë chtos sprôwcã pòznôwô.  Chòc Zdzysława z Lemberka bëła kanonizowónô dopiérze trzëdzesce jeden lat nazôd, a sto dzewiãtnôsce lat nazôd beatifikòwónô, ji kùlt i pielgrzimczi do ji grobù dzejałë sã przez dłudżé wieczi òd ji smiercë w tësąc dwasta piãcdzesątim drëdżim rokù. Ju za żëcô miała czënic cëda i chãtno pòmagac lëdzóm.

H.S.Sz.

Źródło i opracowanie własne