Sprôwcë znikniãcô drodżégò sprzãtù òdpòwiedzą nié blós za wandalizm, ale téż za kradzéż.
Nôgwësni w sobòtã 25. stëcznika przed gòdzëną 5.30 reno na sz. Gduńsczi w Bëtowie doszło do kradzeżë. Ze scanë na bùdinkù krómù Lidl chtos ùkrôdł defibrilatór AED LIFEPAK CR2, jaczi pòzwòliwô ùdzelëwac pòmòcë nawetka lëdzóm bez medicznégò wësztôłceniô, dzãka zwãkòwim instrukcjóm, chtërne pòmôgają w przeprowadzenim defibrilacje. Ùrządzenié bëło zamòntowóné w placu, gdze co dzéń przëchôdô wiele lëdzy, a przistãp do defibrilatora mòcnò ùprôwiôł bezpiek nié blós kùpającëch w krómie. Priz ùkradłégò defibrilatora to kòl 12 tës. złotëch, dlôte szandarzë pòwôżno pòdchôdają do sprawë. Rzecznik bëtowsczi pòlicje prosy ò wszelejaczé infòrmacje, co mògą pòmòc w wëdowiédzë i ò łączbã z Krézową Kòmendą Pòlicje w Bëtowie pòd numrã 477 438 300 abò alarmòwim 112. na spòdlim: https://kurierbytowski.com.pl/artykul/ktokolwiek-widzial-n1668976
Twoje zdanie jest ważne jednak nie może ranić innych osób lub grup.
Komentarze opinie