Reklama

Ùkredlë psë z prezydencczégò pałacu

Klëka

30/11/2025 17:39

Lazarus Chakwera. Òdj. Plus TV Africa; zdrzódło: https://pl.wikipedia.org/wiki/Lazarus_Chakwera#/media/Plik:Lazarus_Chakwera_Profile_(cropped).png

Dobiwcë séwnikòwëch welacjów w Malawi winëją òkrãżé ùszłégò prezydenta ò przetrzëmiwanié zwierzãt, jaczé nôleżałë do pòlicje.

Pòlicjô w Malawi ògłosëła, że zmòcniła wëdowiédzã w sprawie zdżiniãcô sztërzech tószów z prezydencczégò pałacu w stolëcë kraju Lilongwe. Zniknãłë òne latos midzë dzewiãtnôstim séwnika a czwiôrtim rujana, krótkò pò welacjach na prezydenta. Bëłë to szandarsczé niemiecczé òwczôrczi wôrt równoznaczënë òsmë tësący sztërësta złotëch. Przëstojnicë dobiwcë séwnikòwëch welacjów Petera Mùthariczi winowelë ùstãpiwającégò Lazarusa Chakwerã, kùreszce òbskarżiwónégò téż ò tramòwanié pùblicznëch dëtków, ò ùkradzenié psów. Pòlicjô zaprzékòwała klapróm, że béł òn przez to aresztowóny, ale pòcwierdzëła, że przeszukała môl jegò zamieszkaniô. Tam równak psów nie bëło. Zatrzimelë za to zastãpnika szefa personelu malawsczi Jizbë Reprezentantów za prezydenturë Chakwerë, Gòdfreya Arthura Jalalégò. Ten nie przëznôwó sã do kradélstwa.

H.S.Sz.