Latosé mùzelmańsczé swiãto Id al-Adha miałobë sã òdbëc bez tradicjowégò bicô òwców przez stratë w strzódze i òbcãżenié biédnëch.
Latos w czerwińcu mùzelmanie bãdą òbchôdelë swiãto Id al-Adha, abò jinaczi Swiãto Òfiarowaniégò. Òb to swiãto rok w rok ùpamiãtniwają, jak prorok Ôbram béł ùsłëszny Bògù i béł w pòszëkù òfiarowac swòjégò sëna na jegò pòlét. We czwiôrtk dwadzestégò sódmégò gromicznika król Maroka Muhammad wezwôł Marokańczików do tegò, żebë òb latosé swiãto strzimelë sã z tradicjowim ritualnym szlachtowanim òwców. Marokò przeżiwô pòstãpny, sódmi ju rok suszë, przez co przez slédną dekadã wielëna krajewi strzódë zmniészëła sã ò trzëdzescë òsmë procent. Spadło piãcdzesąt trzë procent mni deszczu jak strzédnô ze slédnëch trzëdzescë lat. Miãso robi sã wcyg drogszé i je nót sprowadzac òwce na miãso z Aùstralie, kòl sto tësący kòżdégò rokù. Wedle króla Muhammada, dalszé trzimanié ze zwëkã nimò niedrësznëch warënków mòże baro zaszkòdzëc òbëwatelóm ò mniészich zôrobkach.
H.S.Sz.
Twoje zdanie jest ważne jednak nie może ranić innych osób lub grup.
Ten komentarz jest ukryty - kliknij żeby przeczytać.