Na mszë ò ekùmenicznym charakterze złómóné òstało czile liturgicznëch reglów.
Arcybiskùp Pradżi Jan Graubner òdwòłôł ze stanowiszcza wikarégò prasczégò kòscoła Nôswiãtszégò Zbawicela ksãdza Marka Váchã, jaczi w stëcznikù prowadzył kòntrowersjową ekùmeniczną liturgiã w òbrëmim projektu „Pón w gòspòdze” w benediktińsczim Brzewnowsczim Klôsztorze w Pradze. Wedle ùdbë kòmisje czesczégò episkòpatu do sprôw liturgie na mszë złómóné bëłë liturgiczné regle: Ewanieliã czëtôł chłop, jaczi òdeszedł z kapłaństwa, kôzanié wëgłosëło dwùch swiecczich, a na stołach pòrozstôwiónëch w dôwnym klôsztornym spikrzu, gdze mszô bëła òdprôwionô, stojało niedopité piwò, kawa i néżczi jedzeniô, jaczé bëłë tam pòdôwóné przódë, a òrganizatorzë nie zabrelë jich przez rzmã lëdztwa. Wëdarzenié emitowała telewizjô Noe, jakô planëje pòstãpné ekùmeniczné nôbòżeństwa. Part wiérnëch barni pòpùlarnégò ksãdza i teòloga przed òbwinama, a òn sóm téż je dbë, że liturgiczné regle nie òstałë złómóné. Pòd sedzbą arcybiskùpa béł zòrganizowóny pùbliczny protest. Archidiecezjô wëdała òswiôdczenié, w jaczim delë bôczenié na wseczëca zrenieniô ù wiérnëch, jaczi mają wësoczé ùwôżanié do mszë swiãti.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie