Sanktuarium we Wejrowie rôczi na dëchòwé zetkania z Ùkrziżowónym.
Jak co rok Archidiecezjalné Sanktuarium Pasjowò-Marijné w Wejrowie rôczi na òrganizowóné na Wejrowsczi Kalwarie krziżewé drodżi w kòżdi piątk Wiôldżégò Pòstu. To wëdarzenié ò nié blós religiowim, ale téż kùlturowim znaczënkù kòżdégò rokù scygô na górczi kalwarie rzmã tak wiérnëch z Wejrowa, jak pielgrzimów chãtnëch doswiôdczëc ùdzélu w tim apartnym wëdarzenim. Latos piątkòwé krziżewé drodżi bãdą sã zaczinałë pò mszach swiãtëch ò gòdzënie trzecy pò pôłnim we francyszkańsczim kòscele swiãti Anë. Wôrt je téż pamiãtac ò pasjowëch misteriach w wëkònanim kaszëbsczich misterników w Palmòwą Niedzelã trzënôstégò łżëkwiata ò trzecy pò pôłnim, a w Płaczëbòga òsmënôstégò łżëkwiata ò dzesąti. Z leżnoscë dnia białków sanktuarium rôczi téż na Krziżewą Dargã Białków ósmégò strëmiannika. Zacznie sã tak jak krziżewé drodżi w piątczi, a pò przeńdzenim kaplëców bëtniczczi są rôczoné na kawã w Dodomù Pielgrzima przë szasëje Refòrmatów. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie