Wòjskò pòmògło robòtnikóm, na jaczich lôdżer spadła grëbô wiôrzta sniegù i kamieni.
W piątk dwadzestégò ósmégò gromicznika reno w himalajsczim stanie Uttarakhand w nordowëch Indiach zeszła lawina, jakô spadła na lôdżer rozstawiony w górach przez robòtników, chtërny bëlë najãti przez priwatnégò pòdjimarza przë bùdacje drodżi. Lôdżer przëkrëti sniegã i òksëpama skłôdôł sã z òsmë stalanëch kòntenerów, jaczé miałë bëc gwësniészim schronienim w drãdzich himalajasczich warënkach, ale wielëna sniegù, jaczi przëwalił lôdżer, òkôza sã za wiôlgô i piãcdzesąt sztërzech robòtników òstało ùsadzonëch w kòntenerach. Na pòmòc jima rëgnãło wòjskò, chtërno ùretało sztërdzescë szesc sztëk. Òsmë robòtników zdżinãło, a cało slédnégò służbë nalazłë w sobòtã pierszégò strëmiannika. Szëkba bëła prowadzonô z ùżëcym dronów i cknącëch psów. Lawinë w Himalajach sprôwiają zagrôżbã dlô górsczich môlëznów a téż zaléwë, czej grëżle òd górsczich òksëpów wpadiwają do rzéków.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie