Reklama

Lãbòrsczé służbë òd rena w pòszëkù

Klëka

03/01/2026 21:28

Òdj. z facebookòwi starnë: Komenda Powiatowa Policji w Lęborku

Chłop z rena zazwònił na pòlicjã i grozył, że kòmùs w mieszkanim na szasëje Dobëcô stónie sã krziwda. Całô sytuacjô jesz je wëwidniwónô.

W piątk drëdżégò stëcznika reno w Lãbòrgù przed czwiôrtą reno na pòlicjã zazwònił trzëdzescë piãc lat stôri chłop z kamiéńcë przë szasëje Dobëcégò. Gôdôł, że zabarikadowôł sã w jednym mieszkaniu, je z nim jegò znajomô, a jeżlë chtos bãdze próbòwôł do niegò wlezc, stónie sã cos złégò. Pòlicjô, retownicë, ògniowô starżô i gazownicë rëgnãlë do interwencje. Gazownicë òdcãlë gaz, ògniarze rozstawilë lëftowé pòdëszczi pòd òknama, a szandarzë próbòwelë negòcjowac z chłopã. Zamkłô z nim jakno zakładniczka bëła dwadzescejedenlôtka. Kòl dzewiąti gòdzënë przëjachelë antiterroriscë, jaczi wrëgnãlë do mieszkaniô i ùskrzënilë chłopa. Ani jemù, ani białce nic sã nie stało. Òstelë zabróny do bòlëcë na badérowania. Pòlicjowi téchnicë òbzérają mieszkanié, żebë wëwidnic przëczënë i mòtiwë zdarzeniô.

H.S.Sz.

Źródło i opracowanie własne