Reklama

Lãbòrsczé starostwò z nowima ùdbama za milión złotëch

Klëka

21/10/2025 09:32

Bùdink lãbòrsczégò starostwa. https://www.powiat-lebork.com/

Mòtiwacjô robòtników ùrzãdu i wikszô wigòda dlô mieszkańców to céle projektu, jaczi mô dérowac całi przińdny rok.

Lãbòrsczi starosta Tomôsz Litwin dôł do wiadë ò zjinakach, jaczé starostwò zacznie przejimac òd zôczątkù nowégò rokù. Przez całi dwa tësące dwadzesti szósti rok mô dérowac projekt za milión złotëch, jaczi mô doprowadzëc do ùmòdernieniô ôrtu dzejaniô starostwa. Bãdze òno robiło dłëżi ò sztërë gòdzënë na tidzéń, a ùrzãdnicë mdą robic w dwaszëchtowim systemie. Mają bëc taksowóny i nôdgrôdzóny na spòdlim efektiwnoscë i wëników jich robòtë, za co bãdą mòglë rechòwac na skrócenié tidzenia robòtë, wicy ùrlopù abò mni gòdzyn na dzéń. Dzãka temù robòtnicë mają bëc lepi zmòtiwowóny i robic mni felów. Dlô mieszkańców krézu zmieni sã to, że bãdą mòglë ùmawiac elektroniczno wizytë nié blós w wëdzélu kòmùnikacje, jak dotądka, le téż w wëdzélach geódezje i bùdowiznë. W wërozmienim sã w zjinakach mają dopòmòc elektronicznô ewidencjô czasu robòtë, helpdesk, asystent sztëczny inteligencje i jinszé nowòtné nôrzãdła synchronizacje robòtë ùrzãdników. Za wszëtkò zapłacëc mô rząd w òbrëmim dofinancowaniô.

H.S.Sz.