Reklama

Lëdzczé głowë na sztrądze

Klëka

14/01/2026 14:33

Puerto López. Òdj. Martin Zeise, Berlin; zdrzódło: https://commons.wikimedia.org/wiki/File:Ecuador_PuertoLopez.JPG

Kòl głów bëłë grozbë dlô lëdzy, co mãczą rëbôków. Pòlicjô gôdô, że to nie bëła jich ùdba.

Gard Puerto López we westrzédnym Ekwadorze nad Pacyfikã je môlã wielnëch dzejaniów narkòtikòwëch gangów. Te colemało wëzwëskiwają rëbôków, jaczim dôwają do przewòżeniô w kùtrach narkòticzi. W niedzelã jednôstégò stëcznika na miesczim pieglëszczu mieszkańcë nalezlë lënë ùmòcowóné na drzewianëch stołpach, a do lënów przërzeszoné bëłë lëdzczé głowë. Niedalek bëła téż wiada, że chto bãdze krôdł òd rëbôków abò jim grozył, ten tak samò skùńczi. Pòlicjô pòdała, że głowë bëłë òd piãc chłopów, jaczi zadżinãlë czile dni nazôd, òd dwadzesce do trzëdzesce sztërë lata stôrëch. Jeden z zabitëch miôł dostóné òbwinë za miecé barnie. Gdze je néga jich całów – ni ma wiedzec. Nie je téż gwësné, chto jich zabił i pòwiesył głowë na lënach, ale wedle pòlicje to mést jeden z miesczich gangów próbòwôł nastraszëc kònkùrencjã, a ò samòsądze czë próbie samòòbarnë ze starnë samëch rëbôków ni mòże bëc mòwë.

H.S.Sz.

Źródło i opracowanie własne