Reklama

Lecba rakétë na piãcdzesąt kilométrów w Ùstce

Klëka

22/11/2025 16:53

Na pòkładze pòlecą midzë jinszima grzëbë, semiónka, żëwé pleszczi i hambùrger.

Gdińskô firma Space Forest w sobòtã dwadzestégò drëdżégò smùtana chce z pòligònu w Ùstce wëstrzelëc rakétã Perun kòl pierszi pò pôłnim. Pòlecy na przez piãcdzesąt kilométrów w górã. Przez czilenôsce minut ji lecbë badérowie chcą przeprowadzëc trzë nôùkòwé eksperimentë zrzeszoné z mikrograwitacją. Chcą sprawdzëc ji dzejanié na grzëbë, semiónka i żëwé pleszczi. Bãdze to pòwtórzenie nieùdónégò eksperimentu sprzed dwùch lat. Jak zagwësniwô Robert Madżera ze Space Forest, start rakétë bãdze widzec z ùstecczégò sztrądu, a lądowanié do Bôłtu mòże téż. Bestré biôło-apfelzynowé farwë Peruna mają dobrze kòntrastowac z niebã. Projekt wspiérô Pòlskô Kòsmicznô Agencjô, ale téż priwatny dobrzińcë, jak ùstecczi Dog Bar, chtëren dôł do przewiezeniô rakétą swòjégò hambùrgera. Space Forest mô ùdbóné przeprowadzenié jesz trzech badérnëch lecbów. Te mają ju sygnąc wëszawë kòl sto kilométrów.

H.S.Sz.