Gard, Marszałkòwsczi Ùrząd i Pòlregio òdpòwiedzałë na brëkòwnotë dojéżdżającëch do Trzëgardu, dotądka mùszącëch wiedno sã przesadac w Kartuzach.
Òd lëpińca Kòscérzna òstôwô bez przistãpù do banów, miast jaczich jezdzy aùtobùsowô zastãpczô kòmùnikacjô. Jiwrë sprôwiało to, że do Trzëgardu nót bëło jachac z przesôdką w Kartuzach, pòtemù z Kartuz do Gduńska Rãbiechòwa, a tej szło dopiérze banama dojachac do jinëch stacjów we Gduńskù. Jakno że aùtobùs colemało sã spózdniwôł ju do Kartuz, a dalszé sparłãczenia nie bëłë z nim skòmùnikòwóné, dojôzd do Trzëgardu béł baro ùtrëdniony. Bùrméster Kòscérznë Dawid Jereczk dôł do wiadë, że ùdało sã dogadac z Marszałkòwsczim Ùrzãdã i Pòlregio w ti sprawie. Òd séwnika zastãpczé aùtobùsë bãdą téż jezdzëłë z Kòscérznë do Gduńska Rãbiechòwa òmijającë Kartuzë, zatrzëmiwającë sã blós we Wieżëcë, Sławkach i Rãbiechòwie. Direktné aùtobùsë bãdą téż pùszczoné nazôd, z Gduńska Rãbiechòwa do Kòscérznë. Dzãka temù czas rézë sã fest skrócy, a wigòda téż mô sã ùprawic.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie