Dzãka pòdpisónémù ùgôdënkòwi do kùńca 2027 rokù z Kòscérznë do Gdinie bãdze szło dojachac baną bez wjéżdżiwaniô do Trzëgardu.
Pòlsczé Banowé Linie i firma Budimex pòdpisałë ùgôdënk na mòdernizacjã liniów nr 201 Kòscérzna–Somònino i nr 214 Somònino–Kartuzë za 1,3 mld zł netto, w sëmie kòl 30 km drodżi. Ùdëtkòwienié na inwesticjã bãdze pòchôdało z Krajowégò Banowégò Programù, a robòtë mają skùńczëc sã do kùńca 2027 rokù.
Mòdernizacjô òbjimô elektrifikacjã liniów a téż robòtë kòl mòstów i wiaduktów. Przebùdowóné mają téż bëc banowiszcza i przëstónczi, m.jin. na stacje Kòscérzna pòwstónie pòdzemny przechód.
Jak gôdô minister infrastrukturë Dariusz Klimczôk, na òdnowiony linie mô bëc pwróconô czãstô rësznota pasażérów. Prawie pasażérsczé banë bãdą jachałë pò ni z chùtkòscą do 140 km/h, a towarowé do 100 km/h. Tak mô bëc téż òdcãżonô dotëchczasnô liniô, jakô prowadzëła z Kòscérznë do Gdinie przez Gduńsk i Sopòt.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie