Reklama

Lékôrz zachòrzôł i wëjachôł

Klëka

07/04/2026 09:24

Pilëce. Òdj. Przystanis (Stanisław Przybylski); zdrzódło: https://pl.wikipedia.org/wiki/Jastrz%C4%99bia_G%C3%B3ra#/media/Plik:Jastrzebia_Gora_aerial.JPG

Ju pół miesąca w pilëcczi przëchòdnie ni ma lékarza. Na dwiérzach òstawił pacjentóm cedelk, że mają jachac do Rëmie.

Òd pòłowë strëmiannika w Pilëcach ni ma doktora. Robiący w tameczny przëchòdnie Wiesłôw Syluta i Justina Òrzech-Syluta złożëlë rezygnacjã z robòtë w związkù z lëchim zdrowim. Szôłtës Pilëców Stanisłôw Miotke przekôzôł, że stało sã to z dnia na dzéń. Na dwiérzach przëchòdnie doktorzë òstawilë le cedelk, że òpiekã nad chòrima w Pilëcach i òkòlim przejimô przëchòdniô w Rëmie, trzëdzescë kilométrów dali. Jiwer tikô sã nawet tësąc trzësta lëdzy z Pilëców i môlëznów kòl nich. Nôwikszé ùtrëdnienié to je dlô lëdzy stôrëch, chòrëch, a téż z môłima dzecama. Nôrodny Fùndusz Zdrowiégò przëkôzôł, że jesz nikògò jinszégò nie nalôzł na zôstãpstwò, a pacjencë mają prawò wëbrac jinszą przëchòdniã. Radny Sejmikù Pòmòrsczégò Wòjewództwa Szimón Redlin wezwôł do spòlëznowégò cëskù na szôłtësa a téż bùrméstra Wiôldżi Wsë Rómana Kùżla, bò òchróna zdrowiégò to gwôsné zadanié gminë. Mieszkańcë mają nôdzejã, że nowi doktór òbjimie służbã w Pilëcach jak nôrëchli.

H.S.Sz.

Źródło i opracowanie własne