Reklama

Los Angeles w ògniu

Klëka

09/01/2025 12:09

Ze swiata, Angeles ògniu - zdjęcie, fotografia

Sztërë ògnie warają w òkòlim Los Angeles. Pôli sã m.jin. dzélnica celebritów Pacific Palisades.

We wtórk 7. stëcznika wieczór w òkòlim Los Angeles zaczãłë wëbùchiwac ògnie, jaczé w krótczim czasu zajãłë wiôldżé òbéńdë. Ògniowô starżô nie je w sztãdze jich ùgasëc, bò płomienie rozkòscérzają są czësto letkò przez sëché wiodro i wiatrë sygającé 160 km/h. W sëmie są to sztërë apartné pòżarë, z czegò nôwikszi òstôł przezwóny Palisades Fire – ten pôli dzélnicã Pacific Palisades, jakô je znónô z pòstawionëch tam rezydencjów amerikańsczich celebritów, a ùjôdł ju 1 200 hektarów terenu. Wedle CNN tam òn nôchùdzy sã rozszérzwiô, w jednã minutã zabiérającë wiéchrzëznã piãc placów do nożny balë.
W òbrëmim Los Angeles wicy jak 100 tës. lëdzy bëło ewakùòwónëch. Nëkanié z płonącëch sedlëszczów bëło baro chaòticzné. Ògniarze zachãcywają mieszkańców do ùcekaniô aùtołama. Òkróm wiele renionëch òd płomieniów je wiedzec ò co nômni dwùch smiertnëch òfiarach.

H.S.Sz.