Na zôczątkù gromicznika òprzestónie fùnksnérowac pòrozmienié BRELL ò przesélënkù sztrómù midzë Ruską, Biôłoruską, Lëtwą, Łotwą a Estonią. Bôłtëcczé Kraje przechôdają na zôpadny system.
W piątk 24. stëcznika w Ridze pòtkelë sã ministrowie ds. energeticzi i klimatu Lëtwë, Łotwë i Estonie. Òbgadiwelë kwestiã wiôldżi zmianë, jakô mô przińc dlô energeticzi tëch krajów ju 8. gromicznika. Na tedë je zaplanowóné jich òdłączenié sã òd rusczégò systemù przesélënkù energie IPS/UPS, a pòstãpnégò dnia doparłãczenié do systemù Zôpadny Eùropë. Przërëchtowania do ti zmianë warałë slédné 15 lat. Lëtewsczi minister energeticzi Żigimantas Vaicziunas zagwësniwô, że bôłtëcczé kraje mają na to dosc mòcë i bùtnowëch sparłãczëniów, jak EstLink-1, NordBalt i LitPol Link. Lëtëwskô Służba Pùblicznégò Bezpiekù zmòcniła òchrónã òkòma infrastrukturë tegò slédnégò systemù na wëpôdk rusczich prowòkacjów. Minister energeticzi Łotwë Kaspars Melnis dôwô do wiadë, że jak dotądka taczich prowòkacjów nie bëło, ale wszëtczé trzë kraje są na nie przërëchtowóné. Estońskô ministra klimatu Yoko Ander zagwësniwô, że òdbiércóm przełączënk midzë systemama nijak nie zaszkòdzy.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie