Wòjskòwô junta wprowadzëła prawò, jaczé mô zagwësnic sztabilnotã ùstawù państwa.
Wòjskòwi rząd Mali ògłosył we wtórk trzënôstégò maja nowi dekret pòdpisóny przez generała Assimiégò Goïtã, trzimającégò òbrzészczi prezydenta pò pùczu sztërë lata nazôd. Wedle dekretu wszëtczé zéńdzenia nôleżników pòliticznëch partiów i òrganizacjów ò pòliticznym charakterze òstałë rozrzeszoné na teritorium całégò kraju. Wëszëznë ùpòmniałë òbëwatelów, żebë na pòwôżno pòdeszlë do zakazu, ale dekret nie wprowôdzô jesz òdgórnégò charakteru sztrôfów za jegò złómanié. Na taczi ôrt rząd Mali zjiscył swòjã zapòwiesc sprzed miesąca, że mô ùdbóné zakazac dzejaniô partiów, co pòtkało sã z protestama dlô demòkracje na zôczątkù maja. Nowé prawò pòzwôlô dali robic na swòjich ùrzãdach òsobóm na pùblicznëch i administracjowëch stanowiszczach, leno jakno òsobóm bez partie.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie