Drutex narzesziwô wespółrobòtã z Bayern Mnichòwò, jednégò z nôbarżi ùznónëch spòrtowëch karnów na swiece, jaczé trzë razë dobëło w Lidze Méstrów.
Produkùjącô òkna i dwiérze firma Drutex z Bëtowa pòdpisała ùgôdënk ò wespółrobòce z füsbalowim karnã Bayern Mnichòwò. Przez nôblëższé trzë lata reklamë Drutexu bãdze szło ùzdrzec na rozegrach i w mediach bajersczégò karna, a wizerënczi jegò balarzów bãdą sã pòjôwiałë na materiałach produkòwónëch przez firmã. Przédnik Drutexu Leszk Gerszewsczi gôdô ò leżnoscë na ùmòcnienié rozpòznôwalnoscë firmë na midzënôrodnym rënkù. Mô to stolëmny znaczënk dlô ji rozwiju, bò wikszosc produkcje jidze na ekspòrt. Je to nôwikszô marketingòwô zwënéga bëtowsczégò producenta przez całą sztërdzescelatną historiã. Drutex bãdze mógł sã pòchwalëc titlama „Òficjalnégò Platinowégò Partnera” i „Òficjalnégò Partnera òd Systémów Òknów i Dwiérzi Fùsbalowégò Karna Bayern Mnichòwò”.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie