Na szczescé ni ma wiadłów ò renionëch lëdzach, ale w całim regionie je widzec materialné zaszkòdë.
W pòniedzôłk 16. gòdnika mòcny wiater ju òd rena wiôł na całëch Kaszëbach. Służbë nôczãscy wëjeżdżiwałë do pòmòcë we wejrowsczim krézu – jaż 111 zgłoszeniów na wicy jak 600 w całim wòjewództwie. Zwróconé drzewa ùszkòdzëłë czile aùtołów, a w Chwaszczënie wiater cësnął cãżarówkã z drodżi w rów – szczestlëwie szoférze nick sã nie stało. W Kòscérznie danka na Placu Wëbicczégò sã zwrócëła, a wëòzdobë na ni sã pòtłëkłë. Nômocniészi wiater wiôł kòl Rozewiégò na òtemkłim mòrzu – 120 km/h. We wiele chëczach nie bëło téż sztrómù.
Wedle znajarzów wiodra wiôc mô z zôpadu i nordowégò zôpadu òb całi tidzéń, ale ju wiele lżi, bo w grańcach 40-45 km/h. Nôwëższô chùtkòsc bãdze wcyg notérowónô na sztrądze od Hélu do Ùstczi.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie