Reklama

Mercedes pòkôzôł pierszé w historie elektriczné papamòbile

Klëka

08/12/2024 23:34

Papiéż Benedikt XVI w papamòbile Mercedes-Benz w 2007 r. Zdrzódło: https://commons.wikimedia.org/w/index.php?curid=2375662

Zeroemisjowi papiesczi aùtół òstôł przërëchtowóny na ju warający jëbleùszowi rok 2025.

We strzodã 4. gòdnika do watikańsczi wòzowi flotë dołączëło nowé papamòbile – perlowò biôłi Mercedes SUV klasë G z pòdwëższonym òbrôcónym sedzenim i barierką. Co gò apartni òd ùszłëch aùtołów, jaczé Mercedes-Benz rëchtëje dlô ùżiwkù papieżi òd 1930 r., to fùlno elektriczny nëk. Je to pierszi papamòbile brëkùjący ti technologie. Òstôł zbùdowóny z leżnoscë jëbleùszowégò rokù 2025, òb jaczi nowi aùtół bãdze wëzwëskiwóny na òficjalnëch wëstąpieniach Frãcëszka na placu sw. Piotra.

W òkôzanim darënkù Òjcu Swiãtémù brôł ùdzél przédnik kòncernu Mercedes-Benz, Ola Källenius. Na żëczbã Frãcëszka towarzëło mù całé karno znajarzów, jaczi zaprojektowelë nowé papamòbile. Przédnik Mercedesa pòdsztrichiwôł parłãczenié tradicjowégò wëzdrzatkù z mòdernyma technologiama, w tim zeroemisjowòscą pòjazdu, jakô wpisywô sã w planë Watikanu, żebë do 2030 całô jegò wòzowô flota bëła neùtralnô dlô klimatu.

Reklama

H.S.Sz.

Czytaj nas w Google

Dodaj do Google

Źródło i opracowanie własne