Reklama

MERK - rëbacczi herb

Bëlôk - czôrno na biôlim

06/06/2026 10:39

Nie wiém jak wa, ale jô ju móm kaszëbsczégò... wësziwkù dosc. Jo, jô wiém że je farwny, że lëdze z bùtna gò rozpòznôwają, że je najim skarbã, ale...
Ni mómë më jinszëch znaków jindentifikacje? Chòcbë KLËKA czë rëbacczé MERCZI? Kò, jo, tam-sam cos so pòjôwiô, np. klëka jakno nôdgroda dlô wlodarzów abò merk na òbklôdkach kaszëbsczich ksążków, ale je to kąsk malo...
Temù téż w 2025 rokù mielë më w Muzeùm Pùcczi Zemi zrëchtowónô wëstawã a projecht Z merkiem do szkół. Nordowa tradycja rybacka, jaczé mialë rozkòscérzëc wiédzã ò merkach (a kòl leżnoscë téż ò runach, hausmerkach, gmerkach, bartniczëch merkach, cystersczich cyfrach).
Zôs latos w Kùsfeldze ògloszëlë akcjã merkòwaniô chëczów dôwnyma merkama! Ë to mie so widzy!

A żebë za wiele nie sznëkrowac pò jinternetach za nyma merkama, to w galerie są wëzwëskaniô rozmajité artikle z gazétów a merczi zebróné w rozmajitëch pùblikacjach.

Reklama

Zdroje:

E. Schnippel, Fischermarken und Giebelkronen aus Hela, "Zeitschrift des Westpreussischen Geschichtsvereins", H. XLVII, Danzig 1904 (2 skanë).
"Gazeta Świąteczna" nr 2470, 3.06.1928 r.
"Pielgrzym" nr 151, 17.12.1929 r.
"Kurjer Wileński" nr 342, 15.12.1934 r.
"Dziennik Kujawski" nr 226, 29.9.1936 r.
B. Namysłowski, Merki rybaków pomorskich przyczynek do heraldyki i folkloru, Kraków 1925 (13 skanów).

Merk na pluce, mal. J. Grudnik z Kôrtë robòtë, jaką móże pòbrac ze starnë Mùzeùm Pùcczi Zemi.

Źródło i opracowanie własne