Reklama

Ùkriwelë toksynë w lëfce pò atakach na World Trade Center

Klëka

09/09/2026 20:22

Òdj. Jeffmock; https://pl.wikipedia.org/wiki/World_Trade_Center_(1973%E2%80%932001)#/media/Plik:World_Trade_Center,_New_York_City_-_aerial_view_(March_2001).jpg

Służbë, gazétnicë i Agencjô Òchronë Strzodowiszcza chcelë ùspòkòjic Nowòjorczanów. Ti przez pòstãpné lata merlë w bòlëcach.

Bùrméster Nowégò Jorkù Zohran Mamdani kôzôł ùjawnic przez sto sétmëdzesąt tësący starnów dotąd taconëch dokùmentów. Są to pòdôwczi ò stojiznie lëftu w gardze pò atakach na World Trade Center jednôstégò séwnika dwa tësące pierszégò rokù. Z dokùmentów wëchôdô, że jesz czilenôsce miesący pò katastrofie  nad miastã ùtrzëmiwałë sã wësoczé stãżënë toksynów, w tim azbestu. Media a téż Agencjô Òchronë Strzodowiszcza chùtkò równak infòrmòwałë mieszkańców, że lëft je czësti. W przék temù stoją pòzebróné rapòrtë miesczich a federalnëch agencjów, kòrespòndencje z miéwcama bùdinków a téż lëstë i skardżi òd mieszkańców. Ùprzëstãpnienié tëch dokùmentów spôłniło żądanié òrganizacje 9/11 Health Watch, jakô domôgała sã klôr infòrmacje ò skùtkach, jaczé ataczi miałë na pùbliczné zdrowié. Przédnik òrganizacje Ben Chevat gôdô, że pò aktach je wiedzec, że miasto znało rizykò chòrosców, a nic z tim nie zrobiło. Rząd mòże rëchtowac sã na wniósczi ò òdszkòdowania za stratë na żëcym i zdrowim. Wedle pòdôwków New York Times, wicy lëdzy ùmarło przez skażenié lëftu pò atakach na World Trade Center jak w samim dniu grzimniãcô w dwie wieże.

H.S.Sz.

Źródło i opracowanie własne