Reklama
Miartwé kòtë w mrożący szafie
04/12/2025 10:43
Szandarzë sprôwdzëlë certifikòwóną hodowlã rasë Maine Coon. Nalezlë zapòmòrszczoné mieszkanié, a kòtë w lëchi stojiznie abò nieżëwé.
W Pruszczu Gduńsczim szandarzë bëlë wezwóny do interwencje w môłi hodowlë pùjków rasë Maine Coon. Towarzëlë jim robòtnicë gminë, Krézowi Wetenarijny Inspekcje a téż schroniszcza Òglowòpòlsczégò Towarzëstwa Òchronë Zwierzãt „Animals” w Dërszewie. Certifikòwónô hodowla wëzdrzała dobrze na spòlëznowëch mediach. Sztërdzescejedenlatnô miéwcka hodowlë pòkazéwała tam, że do kòtów pòdchôdô jak do nôleżników rodzëznë, a przédnym célã chòwë je równowôga midzë wëzdrzatkã, zdrowim a charakterã kòtów. Na interwencje równak òkôzało sã, że mieszkanié je brëdné, całé w smiecach i kòcëch gòwiónkach. Midzë dwadzesce òsmë kòtama wiele bëło chòrëch abò przëmiartëch, a w mrożący szafie midzë jedzenim nalezlë cała sztërzech nieżëwëch kòtów. Jich scyrz òstôł zabróny do Zôkładu Weterinarijny Higenë we Gduńskù, a żëwé pùjczi trafiłë do dërszewsczégò schroniszcza. Miéwcka hodowlë ùczëła òbwinë mãczeniô zwierzãt. Mòże za to jic do sôdzë na trzë lata.
H.S.Sz.
Aktualizacja: 05/12/2025 11:59
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie