Wstãpno je pòmëszlenié, że zwierzãta zdżinãłë, bò zapëzglëłë sã w jadra. Dérëją pòstãpné badérowania, jaczé pòmògą ùstalëc przeczënã jich smiercë.
Na pòrénkòwim sztrądze òstrowù Rugiô w Meklembùrsce-Przédnym Pòmòrzim nalazłë sã cała 26 miartwëch szarëch zélińtów. Prokuratura docygô dzejanié człowieka i pòd tim pòzdrzatkã chce zbadérowac smierc zwierzãtów.
Wstãpné òbezdrzënë wëkôzałë, że ùmarłé cëcónë przed smiercą bëłë zdrów. Na jich całach bëłë nalazłé równak òbrażenia, a w jich płëcach bëła wòda. Wstãpnô hipòteza gôdô, że zwierzãta zapëzglëłë sã w rebacczé jadra i pòtopiłë. Ò ji pòcwierdzenim abò zaprzékòwanim zadecydëją wëdbë z dalszich òbezdrzënów całów.
W globalny klasyfikacje szari zélińt je gatënkã nômniészi starë, żelë chòdzy ò jegò prawną òchronã, le w òbrëmim Bôłtu apartné kraje, w tim Niemieckô, mają ùstaloné przepisë gatënkòwi òbarnë zélińtów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie