Òdemkniãcé fligerplacu w ùszłim rokù miało zwikszëc turisticzną rësznotã, chtërna przed tim bëła fest ùtrëdnionô przez przesôdczi.
Òdemkłé łoni w smùtanie midzënôrodné latawiszcze w Nuukù, stolëcë Grenlandie, timczasowò stracëło zezwòlenié na òbsłëgã midzënôrodnëch lecbów – fligrã do gardu bãdze szło dolecec tak jak przed rokã, na pòkładach fligrów lecącëch z jinëch grenlandzczich môlëznów, midzë jinszima Kangerlussuaq. Pòwòdã copniãcô licencje bëłë zbòjania co do przestrzéganiô sztandardów bezpiekù – pasażérowie prakticzno nie przechôdelë paspòrtowi kòntrolë. Robòtnikóm latawiszcza felowało téż szkòleniów, bãdącëch sztandardã na wikszoscë dzejającëch midzënôrodnëch latawiszczów. Òd zôczątkù zélnika czãsto nie stôwiają sã téż w robòce, bò jidą jachtowac na reniferë – na ten ôrt mieszkańcë Grenlandie zwëczajno robią zapasë na zëmã, na wëpôdk niedotëgòwaniô miãsa zeza grańcë òkrãtama.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie