Mieszkańcë Nigerie cwierdzą, że rząd so z nich rągô, kôżącé ùrzãdnikóm pòscëc w sztóce, czej miliónë Nigerijczików przëmiérają głodã.
Nigerijskô pùblicznô òpiniô doznała sã, że robòtnicë Ministerstwa Gbùrzëznë dostelë òd dzélu kadrów wiadã z zachãcbą do bëtnictwa na mòdlëtewnëch sesjach przez trzë pòstãpné pòniedzôłczi i pòdjimniãcé pòstu w intencje jôdnégò bezpiekù w kraju. Na rząd spadło skòpicą kriticzi – Nigeriô biôtkùje z roscącyma prizama za jestkù i lëchima plónama na pòlach. Wedle szacënków Òrganizacje Zjednónëch Nôrodów co nômni sztërë miliónë sztërësta tësący mieszkańców kraju cerpi głód. W Internece i mediach pòjawiłë sã kòmentarze, że mieszkańcë ju dosc wëpòscëlë za rząd, a terô ten miôłbë sã zajic robòtą, a téż że lepi bë bëło ùsadzëc nowi rząd z ksãżi ë imamów. Ministerstwò gbùrzëznë òdpòwiedzało, że wezwanié do mòdlëtwë ni miało bëc òficjalnym wskazã co do biôtczi z głodã, le métlã na ùchòwanié dëchòwégò zdrowiégò dlô robòtników ministerstwa, a słëchô to so przëmierzëc do òrganizowónëch dlô ùrzãdników zajmów z aerobikù i gimnasticzi dlô jich fizycznégò zdrowiô. Ministerstwò pòdsztrichnãło téż, że ju prowadzy kònkretné dzejania mającë ùprawic stojiznã, na przëmiôr rozdelë gbùróm przez tësąc trekrów i dwa miliónë miechów szitu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie