Òb trzë gòdzënë krôj òstôwôł bez przistãpù do energie z przédnégò jadra. Môlama awariô wcyg dérëje.
W niedzelã dzewiątégò gromicznika przed pôłnim na teren elektroenergeticzny stacje Pananturai kòl gardu Kòlombò, nôwikszégò na Sri Lance, dostała sã môłpa, jakô – jak pòdôwô lankijsczi minister energeticzi Kumara Jayakody – dotkła jadrowégò transfòrmatora, co zachwiądnãło całim energeticznym systemã òstrowù. Ni ma wiedzec, co stało sã pò tim ze zwierzëcã. Òb trzë gòdzënë na całi Sri Lance nie bëło sztrómù. W tim czasu bòlëce i geszeftë mùszałë brëkòwac swòjich transfòrmatorów. Chòc pò trzech gòdzënach òglowòkrajewô awariô ju minãła, to energeticzné służbë dali robiłë nad ùdostanim sztrómù nazôd w niechtërnëch partach kraju. Piersziństwò dostałë bòlëce i stacje òczëszczaniô wòdë. Wedle Cejlońsczi Zarządzënë Elektriczny Energie, ùprawienié jiwru bë miało zajic òd czile do czilenôsce gòdzyn.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie